محاوره مميزه

محاوره شعريه مميزه بين الشاعر حجاج حجي العويمري
والشاعر خالد منصور القعبوبي دارة بينهمافي قروب
ملتقى شعراء عبس اترككم مع المحاوره واتمنى ان تنال
إعجابكم .

حجاج العويمرى :

يامرحبا بالشاعر اللي له علي القلطه مجال
غنابها وارسى قواعدها وفل اعلومها

اللي يبا يقلط يسوق الكيف من صفر الدلال
والخطه ليا من وضعناها ثقال ارسومها


خالد منصور القعبوبي :

حجاج غنا طرق ما بين الحقيقه والخيال
والبدو ما ترضا تشوف انجوم غير انجومها

حاول تعيد البرمجه واتعيد معها الاتصال
بعض البشر تال الزمن قامت تبيع احلومها


حجاج العويمرى :

جمال وبراس العصا يا خالد اسوق الجمال
واسوق بالدرب لا قامت تلو اخشومها

كانك ولد شوف الخيال اللي على سده خيال
صوت الرعد دندان والبراق حول اقدومها

خالد منصور القعبوبي :

الارض من تحت السما والمسك من دم الغزال
والصوت ما كبر وجييهه الناس لاجل اسومها

ان كان عندك شك هات العلم قدام الرجال
الناس ما تدفن بيومن ما يوافق يومها


حجاج العويمرى :

يا الاجودى يا الاجودى مدرى تقول ابن الحلال
ناس بحناجرها علي الطرقه لقت مقسومها

مافيه شك وواردين العد في طول الحبال
لكن عجرت افرق قروم الناس عند ارخومها

خالد منصور القعبوبي :

والله انا ما أصب كيف البن في كأس الخبال
الله ولا بعض العلوم اللي تشق اهدومها

لو جون قرنق عاشق السودان ماصار انفصال
لكن قرنق علّق الشبهه علي خرطومها

حجاج العويمرى :

تقولها مير الاجابه عكس في وجه السوال
واهل المشالح في اللوازم ما لقينا اختومها

علمتك من اول بدايه مير ما عندك مجال
عقدتها يا خالد وراحت تجر اكمومها


خالد منصور القعبوبي :

لو انها تحسب وداعه كان صارت راس مال
لكن خسارتها تباريها كثير اهمومها