الشاعر صالح معينان الله اكبر يالمشاكل مع الناس

المشاكل مع الناس

الله اكـبــر يالمـشـاكـل مــــع الــنــاس
دورت ماحـصـلـت نــــاس"ن" سـلـيـمـه

ان قلـت وان ماقـلـت بـحـواس وادواس
والــنــاس تـفـنــا والـلـيـالــي مـقـيـمــه

تجمع وتطـرح صفـر باخمـاس وسـداس
و تشربـكـت بـيـن الخصـيـم وخصـيـمـه

مـشـاكـل"ن" يـبـحـل بـهــا كـــل دراس
الــنــاس تـبـلــش ماعـلـيـهـا وسـيـمــه

دايــس يـقـول انــه هـــرج فـيــه دواس
ودواس يـنـفـي قـــال هــــاذي ظـلـيـمـه

وانـشـد وتـلـقـى السـالـفـه مـالـهـا راس
وحلـلـتـهـا تـحـلـيــل مــثـــل الـيـتـيـمـه

وانـا لـو انـي صـرت مثـل ابــو نــواس
ابـحــل بـقـصـة حـالـمـه مــــع حـلـيـمـه

وقت"ن" مضى عنـه الخبـر عيـن لمـاس
تـغـيـرت مــاهــي الـسـلــوم الـقـديـمــه

واشوف الي خلق"ن" دخل فيه وسواس
بـيــن الـحـسـد والمـشـكـلـه والنـمـيـمـه

وسجـلـت مـايـطـري لـبـالـي بـقـرطـاس
السـتـر اخـيـر مــن القـشـر والهـزيـمـه

الشاعر/معينان الرشيدي رحمه الله

صح الله لسان الشاعر معيان الله يرحمه
ومشكور أخوي عاشق ابداع على النقل

الله يرحمه انااشهد انه شاعر كبير ومدرسه ومشكور الاخ عاشق ع النقل

ابيات من ذهب

صح الله لسان الشاعر/صالح عبدالله العويمري (معينان) رحمه الله

شكرا جزيلا لك اخوي عاشق ابداع على النقل

بانتظار جديدك من مشاركاتك المميزة

صح الله لسان الشاعر معينان رحمه الله

يعطيك العافية اخوي عاشق ابداع على النقل

صح الله لسان الشاعر معيان الله يرحمه
ومشكور أخوي عاشق ابداع على النقل

ونرجو من قبيله العوامرة إحصاء قصايد الشاعر معينان رحمه الله
وإضافة قسم للشاعر صالح عبدالله (معينان)

الله يرحمه انااشهد انه شاعر كبير ومدرسه ومشكور الاخ عاشق ع النقل

كل الشكرلكم على حضوركم وردودكم