الشاعر صالح معينان ياليتني بالصيهد اليوم عديت

الله من قلب "ن" عـوى عويـة الصيـت
وناشوه في سلـك الخطـر واحرقوبـه

ياليتـنـي بالصـيـهـد الـيــوم عـديــت
وايقتـبـه مــن عــرض مــن وايقـوبـه

واليـا بـدى حـرف اول الـقـاف غنـيـت
وكــل يــورد ماحـصـل مـــن لـعـوبـه

عـزالله انــه ســج قلـبـي وسجـيـت
وقـامـت تبـيـن لــه مـخـارم دروبـــه

عـون ضلـوعـي واستلـجـن وعـويـت
عويـة محـال"ن" وامرستـبـه غـروبـه

على حبيب"ن"عقب مارها وانا ارهيت
ياسعـود صلفيـن المشاحـي نحـوبـه

اليـا فـز قلبـي مــن هــواه وتطـريـت
يـطــري عـلـيـه والـمــوده عـقـوبــه

لجـيـت لـجـة رادي"ن" بــه زغـاريـت
اليـا شغلـوه اهـل الـطـرب والتهـوبـه

من ضيقة "ن" بالصدر ياسعود فحيت
والنـاس هاجـوس الخـفـى مـادروبـه

امسي من الحيين واصبح مع الميـت
مثـل المريـض اللـي هـلـه راجعـوبـه

الـنـاس قـالــوا لـــي ورا مـاتـداويـت
قلت آه شي"ن" ضايعـات"ن" طبوبـه

والقلـب حـار وحـرت وابـرق وبرقـيـت
وجميـع عسـكـر دولــة"ن" خيمـوبـه

والـيـوم عــن درب الخـطـر ماتـدريـت
والقلـب والله مـا نـشـد عــن ذنـوبـه

على الذي ملو"ن" بقلبي وأنـا الويـت
الـواي عـشـب"ن" صفقتـبـه هبـوبـه

ياسـعـود أنــا للـبـدو تــو استقـريـت
قلب"ن"يـردونـه وقـلـب"ن" غـدوبــه

لــو أذن الـمــذن وصـلــى وصـلـيـت
يـا حـول مـدري وش كـلام"ن" قروبـه

تـراي تبـت اللـي مضـى ميـر نونيـت
ولااقشر من المذنـب"ن" عقـب توبـه

وختمــتها في ذكـر ربي وسميـت
رافع سماواته ومذري هبوبــه
للشاعر/صالح معينان العويمري رحمه

اشكرك اخوي عاشق ابداع على المشاركة الحصرية و المميزة والجميلة

بانتظار ابداعاتك القادمة

تحياتي لك ..

قصيدة جزلة من شاعر جزل

قصيدة جزلة من شاعر جزل

الله يرحم الشاعر معينان
وشكرا لك عاشق ابداع على المشاركة المميزة
بانتظار جديدك

الله يرحم الشاعر الجزل معينان العويمري
وشكرا لك عاشق ابداع على المشاركة المميزة
بانتظار جديدك

كل الشكرلكم على مرزوركم وردودكم