رسول الحب للشاعر نواف حامد الرشيدي

الا ياقلـب لاتـوسـوس اليا نامت عيــون النـــاس – دخيلك لاتذكـــرني بـأمــــور كنت ناسيــها
ترى عيني على الذكرى تساهرني بدون أحسـاس – اليـا منك ذكــــرت القصه اللــي غاب راعيها
زمــــان فـات قبل الحبر يجبرني على القرطـاس – وأدون قصــــــة العـاشــق من أولها لتاليــها
حبيب(ن) ماتوقعته معــي يصبح عديم أحســاس – وأنـا اللـي كلمته لاقــالها ملــــزوم ألبيـــها
عطيته من بحر حبــي ثمين الـــــدر والألمـــاس – وجبرت الخاطــــر اللي قبــل عرفي رايح فيها
ورماني في سهم عينه على درب الرجاء واليـأس – يجيني لابغـى واليـا أكتفــــى عينـــي يبكيها
تردى بـي وأنا أمــده بيمنـى الطيب والنومــاس – سوى بـــي سوات(ن) فيـــه لاوالله ماسويهـــا
أحسبه صـــافي النيه وأثر بعض الوجيه أخساس – يجيك بوجهن أبيض والنـوايا الســـود ناويها
غديت أكليب فـي وقتـي ومحبوبي مثل جسـاس – طعنــي بالظـهر طعنه ياوين ألقـــــى مداويها
الا حسبـي عليه اللي لغيــره ماخضعت الــرأس – يدبـر مايشــاء والنـــاس يفنيـها ويحييــــها
رسـول الحب لاوصله كلامــي وأعتذر لابــــأس – لأجـل خاطــر عيــــــونه كـل غلطاته نعديها

صح لسان الشاعر
ومشكور اخوي خالد

صح لساااااااااااااانك ياشاعر عبس الشاعر نواف حامد

صح الله لسان الشاعر نواف حامد
مشكور أخوي خالد على النقل والابداع

مشكورين يا أخوان .. بدر . والنايف . وأبوعمر .. على الردود الجميله والأكثر من رائعه ولاهنتم جميع