الشاعر صالح معينان هذا جوابي واكتبه لأبوممدوح

وقلبي اللي به هواجيس وجروح
عن ماتريد النفس شيً حدانا

والرجل ماتمشي على غير مصلوح
والوقت ماهو ماشيً في هوانا

عبدالكريم العجوني يمه انروح
ونذوق فنجالً على مستوانا

الباب دايم للمسايير مفتوح
وعلى اللزوم بواجبه مايتوانا

هـذا جـوابـي واكـتبه لبومـمدوح
مقلطً روس الغنم بالصيانا

لياجيت يمه دايم الصدر مشروح
قولة هلا للضيف واللي نصانا

وراع النفاق وصاحب الحسد مقموح
اللي على العالم طويل اللسانا

واسلم وسامحني وانا اقول مسموح
وصلك جوابي وارسله لأصدقانا

عزالله انك للغنم ذيب ذابوح
الياشح بالواجب خطاة الهدانا

الله يجيرك من سبب كل مشفوح
ياعيال عودً طيبكم مايخفانا

عجاونه على العدو سم ذرنوح
ولهم بصولات المعارك مكانا

يوم انها مابين طارح ومطروح
محمد بن عجوين مروي السنانا

نباك لوجيه الرجاجيل مملوح
تبديلهم علم الصخا والليانا

جاك الجواب وكل مافيه مشروح
ويمناك تعطي كان ربي عطانا

هذه القصيده لوالدي الله يرحمه الشاعر صالح عبدالله العويمري الرشيدي الملقب باسم معينان موجهها الى عبدالكريم بعيجان العجوني راعي الزرقاء