من روائع الشاعر عبدالله باتل الرشيدي((البحر الميت)):

السلام عليكم ورحمة الله وبركاته
قصيده الشاعر/ عبدالله باتل الرشيدي ((البحر الميت)):

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هـذا الزمـان وكـل شــي لــه أسـبـاب=كـلــن يـبــي مـاكـتــب لــــه يلتـقـيـبـه
دنيـا عجيـبـه تـرهـب العـقـل ارهــاب=وتـقـســيــم ربٍ مـايــعــلــم بـغــيــبــه
والله مـاهــي بالـتـحـرص والأتـعــاب=لـكــن تـسـبـب كـــل عـبــد ونـصـيـبـه
ونـوب ٍ يعرقـب لـك نصيبـك تعـرقـاب=لـو ضفـت حـاتـم مايـقـدم زبيـبـه
والطيـب ماهـو مظـهـر زيــن وثـيـاب=ولاهـــو بحــكــيٍ بـالـلـسـان تحـكـيـبـه
الـطـيـب مايـسـويـه يـاكــود هــنــداب=صـعـب طريـقـه والـمـراجـل صعـيـبـه
نصـوه ونخـوة ضيـق وأخـلاق وآداب=وزود علـيـهـن زود زيـــن الـذهـيـبـه
وبالطيبـيـن أحـيــان تـنـفـك الأرقـــاب=وليـا جيتهـم هـانـت علـيـك المصيـبـه
والا الــردي لــو طــاب تـلـقـاه نـصــاب=لوشـفـت بـعـض المسكـنـه تحتفـيـبـه
مـالـهــم ود ولاحـبـايــب ولاأحــبـــاب=ولا أفلـح و عيـن خيـر مــن ينتخيـبـه
ولايقـضـي الــلازم ولا يـفـتـح الـبــاب=(.....) بــقــره تـشــويــه ولا تـسـيـبــه
وليـا بغـا الحاجـه يضلهـب تضلـهـاب=تـقــول طـفــل ٍ مـعــك لاقـــي حـلـيـبـه
ويعطيك باثناء السالفه نظرة أعجـاب=نـظـرة حبـيـب ٍ مـعـجـب فـــي حبـيـبـه
وليـا قضاهـا منـك عــن جيـتـك تــاب=يــروغ روغــة ثعـلـبً بالزريـبــه
ينـسـاك ماكـنـك مـع رفـيـق ٍ طـــاب=رد الـجـزاء تـمـحـاه طـــول المغـيـبـه
وبالـنـاس مـوجـود ٍ خنـازيـر وكـــلاب=ومـهـبـل ٍ مــــن كــــل شــــر قـريـبــه
وفـيـهـم كـــذوب ٍ للعـراقـيـب شـــذاب=ثـرثـار هــرج وكــل هـــرج ٍ يهـذيـبـه
ياكبر فرق الروس عن فرق الأذنـاب=لـلــي بـبـعــض الـمـعـرفـه ينهـقـيـبـه
ولافيـه ظلـم أشـد مـن ظلـم الأقــراب=ولافيـه بلـوى مـثـل بـلـوى الغصيـبـه
ومن لاحضـر يحشـم ويفقـد ليـا غـاب=مــاهــو بكــفــو ٌ لــلأمــور الـصـعـيـبـه
ولابـــيــــض الـتـحـلــيــق بالجو بـــغــــراب=ولا يلـفـت الأنـظــار كــثــرت مـغـيـبـه
لاصـار مايحلـق وهــو حــر وعـقـاب=أن طـار وأن ماطـار مـاحـدن دريـبـه
ومـن قـل ما بيديـه هـذا الزمـن عــاب=وأن جــاك كـلـن قــال لــك وش تبـيـبـه
ويمكن يحـارب حـرب نفسـي تحـاراب=أمــــا بـتـجـاهــل عــمـــد ولا بـغـيـبــه
لوفيه عزة نفس وأشجع من (عقاب)=لـيـا أدبـرت دنـيــاه مـايـشــاف طـيـبــه
والعـقـل لـمـن الـدهـر كـشــر الـنــاب=ما ينـفـعـك وتـصـيـر نـفـســك كـئـيـبـه
أحيان كنـك واحـداً عنـده أعصـاب=وأحـيـان تـحـدث فـيـك حـالـه غريـبـه
والـعـاقـل الـلــي لا يـعـيـب ولايــعــاب=والـجـاهـل الـلــي بـالـعـرب تبتـلـيـبـه
والطـيـب الـلـي طـيـّب عـنـد الأجـنـاب=ويـرفـا البناخـي عــن خـمـال ٍ يعـيـبـه
ويفهم ويحسـب ويوخـذ لــه أحـسـاب=وليـا ضــرب تلـقـى ضـروبـه عطيـبـه
وأنا انجرفت ورحت مع غيهبن شاب=وسـعـادتــي بــالــدو يــــوم أغـديــبــه
يـامـا صـبـرت سنـيـن كـنـي بـــدولاب=وأنــــا عــلــى والله مــثــل اللهيــبـــه
تقرصنـي العـقـرب وينهشـنـي الــداب=أضحك وأنـا السـم اللتـوي مـن دبيبـه
من جرف دوامه على شبـك سـرداب=مـع سرمـدن مديـور وأشيـاء رهيبـه
مـــن جـــور دنـيــا قلـبـتـنـي تــقــلاب=فـــي كـــل يـــوم موديـتـنـي مـصـيـبـه
وفـــــي مـدرسـتـهــا دربـتــنــي تدراب=تـدريــب ضـبــاط الــحــرس للكـتـيـبـه
وصـبــرت صـبــر ٍ لا تـلاشــى ولا ذاب=صبـر الحصـاه اللـي بـراس الجذيـبـه
وأن وصـلـت الـدعـوى إلـى حـزم كــلاب=أنــا الشـريـب الـلـي ينـغـص شريـبـه
والله لاأخـــــرب تـالـيـتـهـا تــخـــراب=وبـيـعـهـا بـرخـيــص بـيـعــة ذهـيـبــه
[/poem]