جديد عيد ابن مربح الــي مساعد ربيـع

قصيدة جديدة للشاعر الكبير عيد بن مربح الرشيدي
موجهه للشاعر الكبير مساعد ربيع الرشيدي







وقت رجم الشقا من عرض من واق فيه
وسبقوني على متنه قروم العيال
بين نمة حسود وبين هذرة سفيه
اتّكالي على المحيي عزيز الجلال
الوفاء ماشيٍ به والردى محتريه
حسبي الله على الهقوه ومكر الرجال
والخطاب المبطّن والسؤال الوجيه
كلبوهن لهن مغزى وجمله تقال
ومجلسٍ مايقدّر خطوتك لاتجيه
حط بينك وبينه برزخ الأعتزال
روّض النفس وأردعها عن اللي تبيه
وكان طاوعتها غنت على ليل لال
وأعطها فرصه المسجون لمزاوريه
ودفها دفة الطاغي لمستور حال
قبل تفهم غلط معناي عرّج عليه
بكره النفس تسأل عن حرام وحلال
يامساعد ربيع يابو فيصل ياهييييييه
خذ عن الوضع نبذة ياكريم السبال
ياولد من تمد الجود راحة يديه
ياغصن دوحةٍ يلقى تحتها الظلال
مستحيجٍ ريال ووسط جيبي جنيه
ولازم أصرف جنيه لحاجتي بالريال
أتخذت القرار الصعب ماقلت ليه
شيٍ أكبر من الواقع وحلم الخيال
المهم أرتكيت بمرقبٍ منت أبيه
رغم طعن الزمان وضحكة الأحتيال
وأي طيب نزيه أنا خويه وأخيه
لين حمر النثايل فوق قبري تهال

مشكور علي النقل


وصح لسان الشاعر

صح السن الشاعر عيدمربح
ومشكور
اخوي سمو الشعر
تقبل مروري

سمو المشاعر

لاهنت على الطرح وصح لسان الشاعر

تقديري لك

اتمنى فهم معنى القصيده تحمل معاني جميله جدااا
وبها قوة المعنى المبطن

سمو الشعر

اشكرك على النقل المميز
وصح لسان الشاعر الجزل والراهي بلاشك
عيد بن مربح وقصيده تحمل بين طياتها الشي
الكثير والمعاني اللتي لايقولها الا الشاعر عيد

تحييييييياتي لك

صح اللسان عيد مربح واشكرك على النقل الرائع
اما المعنى واضح مافيه شي مخفي

صح لسسسسسسسسسسان الشاعر ولاهنت ع النقل