قصيده لشاعر عواض بن بهلان الرشيدي( من روس عبس)

و آمل أن تحوز على إعجابكم








عبود أنا ما نمت حـزت رقـادي
..............................طاف الوعد يابوك ما هي غصيبه


يا عين ما هو غصب والأ عنادي
................................إن كان ماله بي والله ما لـي بـه


فزت من حلو الغطاء والوسـادي
................................مشيت مثل اللي فقـد لـه ذهيبـه


عديت في ضلع(ن) عسير المعادي
..................................متعودن ارقاه مـا هـي غريبـه


قربت من خشم الفتايـل زنـادي
...............................وشعلت في روس الفتايـل لهيبـه


لهيب شعر(ن) ما يجيه انتقـادي
.............................من هاجس(ن) سجات فكره عجيبه


من شاعر(ن) مرساه شط الوكادي
.............................من روس عبس مطوعين الصعيبه


مرساي هو مرساي حر وبـرادي
................................ابقى علي الحرم والله ما اسيبـه


لو عشت في الأيام هـم ونكـادي
.............................ولو عشت في جو الحبيب وحبيبه


تضيق والأ تنفرج شـي عـادي
................................ما تهمنـي نكباتهـا و المصيبـه


مريت ببحور(ن) تطارخ سـوادي
..............................ومريت في أنواع البحور المهيبـه


ومريت في جو(ن) لطيف وهـادي
................................جو(ن) يسلي خاطـري ويغديبـه


صديت عن ناس(ن) تحب الدوادي
................................مستعمرين الهرج بهتـاً وغيبـه


آمنـت بالرحمـن رب العـبـادي
....................................الواحـد اللـي كلنـا نلتجيـبـه


أخذت من نهج النبي خير هـادي
.................................خير البشر فـي سنتـه نقتديبـه


ورثت سلم أبوي سلم الأجـدادي
................................ورث(ن) عزيز وسلمنا نحتفيبـه


سلم الرجال أهل الكرم و المبـادي
.................................نفخر بطيبَ ساعـة(ن) نبتديبـه


علمً صحيح وسلم ما بـه تمـادي
................................ورث(ن) ورثته ما طلبته طليبـه


الله عطانـيـاه رب الـبــلادي
.................................طبعي كذا والكـل يلقـى نصيبـه


للمرجله أبسـط كفـوف الأيـادي
...............................و افخر بفعل المرجلـه واحتليبـه


ما زلت اخطط نظرتـي للبعـادي
..................................حـرام عينـي تلتفـت للقريبـه


أن عاش راسي غير أحط الشدادي
...............................فوق المطيه غصـب والأ بطيبـه


اركب وغني بالقصيـد الجـدادي
.................................واسجها مـع كـل دربً وصيبـه


واسجها وأهيـم فـي كـل وادي
.................................واللي على بالـي أجيبـه أجيبـه


الزرع لأهل الزرع يصبح حصادي
.................................والـزرع لازم صاحبـه يعتنيبـه


وأنا مبين مقصدي وش مـرادي
..................................والعلـم بيـن للعقولـه اللبيـبـه


أقولها مرسـاي شـط الوكـادي
.............................من روس عبس مطوعين الصعيبه


.,’ الشاعر عواض بن بهلان الرشيدي .,’’’

الله يعطيك العافيه اخوي احساس قلبي على نقل قصيدة ابو فيصل

وصح السانك يابو فيصل
والله يحفظ عبود واخوانه

صح لسان شاعرها
قصيده جزله بكل حروفها
بيض الله وجهك على النقل

من شاعراً مرساه شط الوكادي *****من روس عبس مطوعين الصعيبه

صح الله لسان شاعرها وسلمت يد ناقلها قصيده
جزله من شاعر له باع ٍ طويل بالشعر
بيض الله وجهك على النقل.

تحياتي لك .

صح لسان قايلها ولا عدمنا ناقلها

صح السان الشاعر عواض عوض

وتسلم اخى على النقل

صح لسسسسسسسان الشاعر ولاهنت ع النقل

صح السان الشاعر عواض عوض

وتسلم اخى على النقل

صح لسان شاعرها
قصيده جزله بكل حروفها
بيض الله وجهك على النقل

صح لسان شاعرها
قصيده جزله بكل حروفها
بيض الله وجهك على النقل